“اغضب”.. غناء الفنانة ريم تلحمي

ليش ساكت عن جرح بلادك ليش بتلف وليش بتدور
ليش تشحد تصريح زيارة واتضيع عمرك عالدور
من واحد مقطوعة ديارو فيك اتعلم كيف يجور
إغضب… إغضب
خللي العالم كلو يعرف إنك ساحر مش مسحور
لا جدار بيهزم أيامك ولا طلقة بتقتل أحلامك
غناء : ريم تلحمي
كلمات: عرفات الديك
ألحان: إبراهيم نجم
*******************

يا شعب بيحلم بالسلم
وبيصحى من الحلم مكسور
يا شعب
حط الكلمة فوق الكلمة وابني سور بيهزم سور
لا يهمك كابوس اللقمة ولا كلب الموت المسعور
لا تخلي راسك في العتمة وتسألني من وين النور
بتروح العتمة من دربك لما الغاضب فيك يثور
إغضب… إغضب
خللي العالم كلو يعرف إنك ساحر مش مسحور
سيفك جوّا الروح بيلمع خللي اللمعة تشوف النور
من هالصخرة انخلقت إيدك وأسوار العدو بلور
ليش ساكت عن جرح بلادك ليش بتلف وليش بتدور
ليش تشحد تصريح زيارة واتضيع عمرك عالدور
من واحد مقطوعة ديارو فيك اتعلم كيف يجور
إغضب… إغضب
خللي العالم كلو يعرف إنك ساحر مش مسحور
لا جدار بيهزم أيامك ولا طلقة بتقتل أحلامك
هي رصاصة جوّا كلامك تِغني عن شعر ومنثور
خبّي خنجر بين عيونك لون الدم بيحمل لونك
صون الفكرة الفكرة تصونك وتقطع فيك السبع بحور
لمّا تقرأ لما تكتب لمّا اتحس شوي براحة
لمّا تتعب
إغضب… إغضب
لمّا سراجك يضوي ليلك لمّا خيل الفكرة تركب
إغضب… إغضب
لمّا تعلى فوق جراحك لمّا جنونك خوفك يسحب
إغضب… إغضب
لمّا سراجك يضوي ليلك لمّا خيل الفكرة تركب
إغضب… إغضب
لمّا تعلى فوق جراحك لمّا جنونك خوفك يسحب
إغضب… إغضب
لمّا صوتك يوقع منك
قوي قلبك هاتو وإغضب
إغضب… إغضب
حتى لمّا بتحلم إغضب… حتى لمّا بتحلم إغضب
خللي العالم كلّو يعرف
إنك ساحر